No marco das Xornadas Literarias “Trazos de Xapón”, a biblioteca municipal de Neda acolle este sábado, a partir das 12 horas, o contacontos “Cabicivai”. A proposta infantil de Pablísimo forma parte do programa Lesme un conto? e está aberto o prazo para inscribirse.
A golpe de pedal, chegará á vila o actor Pablo Sánchez (Pablísimo) coa súa bicicleta, tres caixóns dos que pode saír calquera cousa e un Kamishibai (en xaponés, pequeno teatro de papel para contar historias). E con el un montón de contos recollidos polo mundo adiante.
O espectáculo de narración oral, que complementa ás Xornadas Literarias, vai dirixido a nenos e nenas de tres anos en diante. As familias que queiran sumarse poden apuntarse na biblioteca ou chamando ao 981390233.
Deja un comentario
Lo siento, debes estar conectado para publicar un comentario.